TERMINI U KUNDIZZJONIJIET

INTRODUZZJONI

Din l-iskema hija maħsuba biex toffri inċentiv għal dawk il-ġenituri li għandhom responsabbiltà' għat-trobbija ta' tfal waqt li huma jitħarrġu fi ħdan il-Jobsplus biex itejjbu il-prospetti tax-xogħol tagħhom u jidħlu fid-dinja tax-xogħol. Dan billi nipprovdu sussidju sostanzjali fuq is-servizz ta' kura tat-tfal li jintuża’ mill-ġenituri filwaqt li huma jkunu qed jattendu taħriġ offrut mill-Jobsplus. L-għażla taċ-ċentru tal-kura tat-tfal titħalla kompletament f'idejn il-ġenitur, iċ-ċentru magħżul tal-kura tat-tfal irid ikun rreġistrat.

DEFINIZZJONIJIET

1. Għal-fini ta' dan is-sussidju, 'ġenituri' tfisser il-ġenituri naturali kif wkoll ġenituri bil-kustodja ta' orfni, foster carer li jkun il-kuranti b’affidament approvat skond l-Att dwar il-Foster Care, u ġenitur bi żwieġ ieħor u ġenitur adottiv skond l-att tas-Sigurtà' Soċjali (Kap 318).
2. Għal fini ta' dan is-sussidju 'Ġenitur singlu' tfisser ġenitur li jkun romol, separat (sew de facto jew de jure), divorzjat jew mhux miżżewweġ li jkun waħdu u għal kollox responsabbli li jżomm u jrabbi lil uliedu dipendenti bniet jew subien li ma jkunux għalqu t-tmintax-il sena skond l-att tas-Sigurta Socjali (Kap 318).

KUNDIZZJONIJIET

1. Fil-każijiet kollha, is-sussidju jingħata biss għall-ġranet u l-ħinijiet li matulhom il-ġenitur qed jattendi għall-kors ta’ taħriġ u juża’ s-servizzi tal-kura tat-tfal fl-istess ħin.
2. L-applikazzjoni flimkien mad-dokumenti kollha meħtieġa trid tiġi sottomessa fi żmien 60 jum wara d-data tat-tmiem tal-kors.

MIN HU ELIĠIBBLI

Persuna li qed tagħmel użu mis-servizz ta’ kura tat-tfal u li matulu tkun qed tattendi taħriġ offrut minn Jobsplus u li mhix qed tibbenefika mill-Inizjattiva ta’ Childcare b’xejn.

RATA TAS-SUSSIDJU

Is-sussidju b’rata ta’ €4.50 (għal kull tifel/tifla sa sena) jew €4.30 (għal kull tifel/tifla ta’ bejn 1 u 3 snin) fis-siegħa qed jiġi offrut għat-tul taż-żmien tat-taħriġ. L-ammont ta' siegħat eliġibbli għas-sussidju ser jiġi kkalkulati minn siegħa qabel sa siegħa wara l-ħin stipulat għal-kors tat-taħriġ.

Jobsplus iżżomm dik l-informazzjoni kollha li hija relevanti biex tagħti s-servizzi meħtieġa lil dawk il-persuni li jikkwalifikaw għal dan il-benefiċċju. Klijenti huma risponsabbli li jipprovdu informazzjoni korretta lill-Jobsplus permezz ta’ din il-formola ta’ applikazzjoni. Jobsplus m'hiex risponsabbli għall-informazzjoni inkorretta li ġiet mogħtija mil-klijenti. Din l-informazzjoni ser tintuża għall-ipproċessar ta' pagamenti. Il- Jobsplus tista’ tivverifika l-informazzjoni li inti tagħti biex niżguraw li hija tajba fir-rigward tal-applikazzjoni tiegħek. Jobsplus tittratta l-informazzjoni personali tiegħek skond l-Att Dwar il-Protezzjoni u l-Privatezza tad-Data tal-2018 (Kap 586) u r-Regolamenti Ġenerali dwar il-Protezzjoni tad-Data (EU) 2016/679.

Għandi d-dritt li jkolli aċċess għad-data personali tiegħi kif ipproċessata minn Jobsplus. Naqbel li nipprovdi l-informazzjoni korretta u jekk din id-data tinbidel jien għandi ninforma lil Jobsplus immedjatament. Nirriserva d-dritt li nista' nbiddel jew nħassar l-informazzjoni dwari.